Awak lahie di Jakarta. Bapak den asli Muaro Bungo dan Mamak Padang Kota di Lubuak Bagaluang. Rumah Nenek di Luabuak Bagaluang di isi de’ Unang Eli, adiak mamak.

Lah bataun sajak awak pulang tarakhier tahun sambilan puluah. Artinyo lah hampia duo puluh tahun awak tak pulang kampuang. Batapo rindu awak jo sanak saudaro dan tanah nan manjadi pijakan orang tuo awak.

Tasiro’ hati katiko mandanga’ Padang nan luluah lantak de’ bancano gempa. Ondeh… lah lamo bancana itu tak datang, kini giliran kota tacinto manjadi sasaran. Allah Maha berkehendak, sagala sasuatu pasti ado hikmah nan Nyo mau.

Bancana, tak sakadar azab, tak sakadar murko, tak sakadar ujian… Bancano pun suatu paringatan dan hikmah yang mungkin indak kito sadari.

Mangko katiko orang mancubo manghubuangkan bancano dengan ayat-ayat Al-Qur’an tantang azab Allah, ambo sadiah sakatiko… Ba’a urang-urang itu bisa sadamikian “kerdil” untuk mangadili tanah kampuang halaman den jo azab Allah? Padahal indak satupun urang nan tahu apo yang Allah ingin jo bancano ko.

Padang, panduduaknyo kue’ baragamo. Sajak dulu, anak-anak tu lah diajar untuk salalu di Surau. Mangaji dan sholat lah jadi santapan sahari-hari. Dan itu balaku hinggo kini. Kalaupun ado yang bakurang, Padang tetaplah menjadi bagian daerah di Indonesia nan Islamnyo tajago, artinyo sakironyo di Padang bakurang ka-Islamannyo- baitu juo di daerah lain.

Mangkonyo ado baiknyo kito barintrospeksi samo-samo. Hari ini giliran Padang, bisuak biso jadi kito nan dape’ giliran. Wallahu ‘alam. Samoga kita tidak hanyo bisa manghujat dan baprasangko tarhadap sasamo muslim. Tapi kito samo-samo babanah diri, manjadikan Islam sabagai sandaran. Saparti papatah minang; Adat basandi sarak, sarak basandi Kitabullah.

Dengan berpasrah diri ka Allah, kito akan biso manghadapi sabuah bancano dengan ikhlas, kahilangan urang tacinto mambuek kita tasadar bahwa Allah bakuaso atas sasuatu, tamasuak diri kito. Allah mambari sasuatu nan baik, dan kito nan talah marusaknyo…

Maliek samangat dunsanak di Padang, yang sagaro tasadar dari buaian indah ambo sasaro randah diri? Ba’a bila tajadi pada awak? Mungkinkah awak kan seikhlas mareka? Antahlah….

Nan pasti, awak rindu kampuang, awak rindu minang, awak tak lupo tanah tampe urang tuo dilahierkan…

(Maaf bila bahasa belepotan, maklum saya sudah sejak kecil lahir dan besar di Jakarta-pen)